Хар цагаан

Блог гэдэг юм байдаг эсэхийг ч мартах шахаж. Сүүлийн үед хар цагаанаар зураг авах гэж оролдож байгаа. Ойрд зураг хөрөг, блогоо хөтлөөгүй болохоор аль дээр үеийн 3-р сарын зурагнаас сонирхуулая. Таалагдах юм байвал хэлээрэй :)))

Нар жаргах агшинд бээрсэн болжморууд модны мөчир дээр сүүлчийн нарны дулааныг биедээ шингээн томоотой сууна.

Хар цагаан өнгийг сонирхож байгаа гэсэн дээ. За түүний минь эхлэл болсон зургуудын нэг энэ байна. Мөсөн дээр бие биентэйгээ ноцолдон тоглох хоёр хүүгийн зураг

Тэд маш хөгжилтэй. Намайг зураг авахыг мэдээд бүр хөгжилтэй болсон.

Энэ хүү бүр шог. хэхэ. Дараа нь хоёулаа ирээд зургаа харая ахаа гээд ирнэ. Одоо яаж авахуулах уу? Бид 2 яах уу гээд л... хэхэ. Би ажилтай явж байсан болохоор удаан моделио болгож чадалгүй хэдэн зураг авчихаад явсан.

Анх зураг авч байхдаа ингэж зураг авах тухай сонирхож байсныгаа эргэн сэргээж Стик хаус гэх кафед суухдаа туршиж үзсэн юм.

Эмээг наашаа харахыг нь хүлээсэн ч эргэж харалгүй тэр чигээрээ цаашаа алхаж яваа нь....

Үйлчилгээний төвийн голд энэ хүү намайг яг хөдөлөхөд гүйж харагдсан юм. Гялс аппаратаа гаргаад авсан нь энэ. 

Энэ ч яахав, Москвад явж байхад дарагдсан зураг байна. Өнгө нь гоё харагдаад авцан юм.

Дорнодын хүүхдүүд хөл бөмбөг их тоголдог болсон шиг санагдсан. Хөл бөмбөгийн талбай дээрээ хөвгүүд хөөцөлдөж бөмбөг өшиглөсөөр л... Өвөл зуны аль ч цагт тэдэнд сонирхолоо хөөх боломж нээгдсэн нь сайхан хэрэг. Хэдий гадаа, задгай талбай ч гэсэн.

Энэ охин нэгэн байрны жижүүрийн хүүхэд. Ээждээ байрныхаа арын хогийг цэвэрлэхэд туслаад дуусаж байна. Энэ үед сургуулийн амралт болсон байж таарсан.

Энэ зургандаа харамсдаг юм. Их муу авсан. Уг нь...

Дээр өгүүлсэнчилэн нөгөө охин маань ээждээ туслаад ээжтэйгээ хөөрхөн инээгээд юм яриад буцаж явна.

Энэ бол Чойбалсан хотын төв зам...